Mga Proof Na Isang Ideal Boyfriend Si Daniel Padilla

Charismatic, talented at good-looking si Daniel Padilla, subalit hindi lahat ay masusukat sa panlabas na anyo. Heto ang sampung pruweba na ideal boyfriend ang heartthrob na si Daniel Padilla.

Tunay na Gentleman.
Maliban sa bagay na bagay sa kanya ang iba’t ibang style ng tux, ay mala-gentleman din ang galawan ni Daniel. Sa iba’t ibang events na kasama nito si Kathryn ay kapansin-pansin ang moments na ina-alalayan nito ang dalaga at “mala-personal assistant” ang pag alaga kay Kathryn.

May isang salita.
Madalas na banggitin ni Kathryn na si Daniel ang kanyang dream guy at kanyang reality guy. Madalas naman sabihin ni Daniel kung gaano nito kamahal si Kathryn at higit sa lahat ay pinapakita nito ito sa kanya.

Isang Family Man.
Mapagmahal si Daniel sa pamilya ni Kathryn at tinatrato ang mga ito na sariling pamilya. Malapit umano si Daniel sa ina ni Kathryn na si Min Bernardo at pati na rin sa mga kapatid nito.

Mapagmahal sa mga alaga nila.
Maraming alagang hayop ang dalawa at matatawag silang certified paw-rent. Maalaga umano si Daniel sa mga alaga nilang hayop at masasabing magiging mabuting Ama ito sa hinaharap.

Madalas nitong kuhaan ng litrato si Kathryn.
Makikita sa ilang posts ng ina ni Kathryn na si Daniel mismo ang kumukha ng litrato ni Kathryn. Napaka sweet nito at nakapagbibigay ng confidence sa aktress.

Frontliner.
Nitong panahon ng pandemya, marami sa ating ang hindi nakapag handa. Ayon kay Kathryn, si Daniel mismo ang namili ng mga kakailanganin ng kanilang pamilya sa gitna ng lockdown.

Marunong magmahal ng buong-buo.
Mahal ni Daniel ang mga insecurities ni Kathryn kabilang na dito ang “sakang” legs ng aktress. Dahil dito ay na overcome ni Kathryn ang kanyang insecurities.

Magaling magsurpresa.
Nakakakilig ang ilan sa mga surpresa ni Daniel kay Kathryn, at lahat ng mga surprises nito ay kakaiba at talaga namang pinaghandaan at pinag-isipan. Makikita ang effort na ibinibigay ni Daniel upang mapasaya si Kathryn.

Number one fan.
Minsan nang binanggit ni Kathryn na ang lahat ng kanyang success ay success din ni Daniel dahil kasama niya ito sa bawat tagumpay na nakamit ng aktres.

May plano para sa hinaharap.
Wala nang iba pang mas mature na gawin kundi ang magplano ng future ninyong dalawa. Makikita mo na talagang nais ka kasama nito ngayon at hanggang magpakailan pa man.