Isang tagumpay na para sa isang tao ang makapagpundar ng sarili niyang bahay at lupa. Mapa-ordinaryong tao man o mapa-celebrity masarap sa pakiramdam kapag nakakamit natin ang ating mga pangarap sa buhay.

Lalo na ang kapag nakakapag-pundar tayo ng mga bagay na maituturing nating atin kagaya na lang ng bahay, lupa at sasakyan. Kaya naman madalas natin itong ibahagi sa social media.

Isa na nga rito ang actress-commedienne na si Rufa Mae Quinto. Si Rufa Mae ay unang napanood at nakilala sa programang ‘That’s Entertainment’ noong 1996. Gumawa ng kasikatan si Rufa nang siya ay maipalabas sa naturang programa kaya naman dumami ang mga naging alok sa kanya na maging bida siya sa mga pelikula kagaya na lamang ng ‘Gloria Labandera’ noong 1997 at iba pa niyang mga naging pelikula. Kinagigiliwan ng mga manonood ang aktres dahil sa husay nito magpatawa sa kanyang mga TV show.

Samantala, noon lamang taong 2016 ay nagpakasal ang aktres sa isang financial analyst na si Trevor Magallanes at biniyayaan sila ng isang napakagandang anak na babae. Kasalukuyan ang aktres ay nasa Amerika kasama ang kanyang anak at asawa.

Kahit nasa ibang bansa ngayon si Rufa, siya ay may ipinapagawang bahay sa Pilipinas noong umalis siya at kakatapos lamang nito. Subalit hindi pa nila magawang matirahan ang bahay na ito, dahil hindi pa sila makauwi sa Pilipinas dahil sa sitwasyon na dulot ng pandemya.



Kung kaya naman ang tanging ginawa na lamang ng aktres ay magbahagi ng iilang mga larawan sa kanyang social media account. Umani ito ng mga positibong komento mula sa mga netizens. Makikita naman sa mga larawang ibinahagi ng aktres ang simple at sobrang gandang pagkakagawa ng kanilang bahay.

Labis na nagpapasalamat si Rufa sa lahat ng tagumpay at biyayang kanyang natatanggap kahit na panahon ng pandemya.
Comments
Loading…