in

LoveLove CryCry CuteCute OMGOMG AngryAngry WTFWTF

Biniyayaan ang isang dalagang inakala niyang walang-wala na siya, ito ang “Ten-Peso Coin Story” na siguradong kakapulutan ng aral

  •  
  •  
  •  
  •  
  •  
  •  
  •  
  •  

Ang buhay ng tao ay maituturing na isang paglalakbay. Sa paglalakbay na ito may kasa-kasama tayo upang hindi tayo laging mawalan ng pag-asa at ito ang paglalakbay na kasama natin ang Diyos. Ngunit, hindi sa lahat ng oras nagiging banayad ang ating pakikipagsapalaran. Maaaring maraming beses tayong madapa, maligaw, mahirapan at masaktan. Basta’t ang mahalaga hindi tayo bumibitiw at lumalayo sa pag-asa. Dito malalaman natin ang tunay na kahulugan at kabuluhan ng buhay. Kung bakit sa bawat pagsubok ay kinakailangan itong paglabanan.

Katulad na lamang ng isang kwento na inakda ni Joan Soliman, na ibinahagi sa social media ni Mia Ria na umantig sa maraming netizens at nagbigay inspirasyon. Ibinahagi dito na kung mayroon kang pananalig at tiwala sa maykapal, anumang pagsubok ay tiyak mong malalagpasan. Ito ang kwento ng pagkakataon na nakakaranas tayo na walang-wala na sa buhay, ngunit may biglang dumarating sa buhay natin na nag-uumapaw pa ang balik sa mga kabutihang ating ginagawa. Lalo na at busilak ang iyong puso handang magbigay sa kahit na sinong nangangailangan sa anumang kondisyon, siguradong ito ay may magandang kapalit.

Basahin ang kwentong ito, tiyak na magpapaantig sa inyong mga puso at sana ay makapagbigay ng inspirasyon sa bawat isa. Tunghayan natin kung paano siya gumawa ng kabutihan at kumapit sa pag-asang magdadala sa kanya ng isang magandang biyaya.

Source: Facebook

Ang kwentong ito ay pinamagatang “Ten-Peso Coin Story”.

“Hinding hindi ko makakalimutan yung araw na umattend kami ng nanay ko sa church tapos ang laman ng bulsa ko 10 pesos, tapos si mama walang wala din talaga as in 0.

Umattend kami ng nanay ko ng Sunday service na hindi nag-almusal at kumakalam ang sikmura, kaya hindi ko mabili ng almusal dahil may fear ako na pag naubos yung 10 pesos di kami makapagtanghalian at hapunan. Plano ko kasi ibili ng itlog ng tanghali saka itlog ulit sa gabi tapos paghahatian namin ni mama. Yung mga susunod na araw, hindi ko na alam kung paano kami.

Habang nasa church, pumwesto yung nanay ko sa may bandang likod kung saan magkakasama yung mga kananayan. Tapos ako sa may bandang unahan, as usual kasi part ako ng music team and sa unahan din ang youth group.

Di ko makakalimutan, na kapag naaalala ko yung kabutihan ni Lord sa buhay ko, tumutulo pa rin luha ko hanggang ngayon.

Yung scenario is, tumugtog na yung pang TITHES AND OFFERING na music. Sa church kasi namin dati yung box nasa unahan ng altar, so talagang pupunta ka dun para maghulog ng tithes and offering mo kay Lord. Hindi ako pumapalya kahit baon ko sa school nag huhulog ako doon, pero ito iba dahil 10 peso coin na lang yung meron ako.

Habang naglalapitan yung mga tao, lumingon ako sa likod at tinignan ko yung nanay ko, napa tingin sya saken tapos ngumiti. Ang ginawa ko, nag decision ako na ilagay yung huling pera namin sa tithes and offering. Pumunta ko sa harap, yung saradong sarado yung palad ko kasi at some point nahihiya ako kay Lord na 10 pesos lang yung nakayanan ko. As in saradong sarado yung palad ko.

Natapos yung service ng church. Inalok kami nila Pastor Dario (Hope Church Pastor in Taytay Rizal) na doon na kami mananghalian. Ang matindi may pa sopas pa right after ng service so naihabol namin ng nanay ko yung gutom nung pang almusal at nakapag lunch pa.

Source: Google

Ang matindi, pag uwi namin ni Mama, nag aantay yung bestfriend nya na galing abroad at kakauwi lang ng Pinas. May dalang mga pasalubong, mga de lata, chocolates at kung ano ano pa. Yung pinaka malupit nagbigay sa nanay ko ng limang libo (5000 pesos) as a gift daw at ibili ng gusto.

Pumunta ko sa kwarto ng di alam ng nanay ko at doon ako umiyak ng sobra sobra. Dahil alam ko na ginamit ni Lord yung kaibigan ng nanay ko para mag provide sa amin ng panahong 0 na talaga.
Dun ko napatunayan na may MIRACLE.

I share this story of my life to inspire people na, ngayong pandemic na kinakaharap natin, ngayon tayo mas kailangan maging matatag sa FAITH natin kay Lord. We have a BIG GOD. Kaya kailangan BIG FAITH ang meron tayo sa Kanya.

Mula ng mangyari sa buhay ko ito, hindi na ako natakot maka experience ng challenges. Every challenges na kinakaharap ko, lagi ko tinatanim sa isip ko na may PURPOSE/REASON ang LAHAT. At kung ano man yon, si Lord lang nakaka alam. Kaya mula noon hanggang ngayon pinahalagahan ko yung blessing na binibigay Nya sa akin and I make sure to PAY IT FORWARD.

Truly FAITH SHOULD BE BIGGER THAN OUR FEAR.
ALL PRAISE AND GLORY TO GOD ALONE! Amen.”
Sa kwentong ito, matatagpuan natin ang isang pag-asang kailanman ay hindi nagtatago sa likod ng mga ulap. Pinatutunayan lamang nito na ang ating pananalig ay hindi tayo pinababayaan. Lahat ng pagsubok sa buhay ay may dahilan at dito sinusukat kung hanggang saan tayo kakapit sa ating pananampalataya. Kaya matuto tayong magpahalaga sa bawat biyayang dumarating sa ating buhay. Sana’y nabigyan kayo ng inspirasyon sa kwentong ito, ano po ang inyong masasabi dito?

Written by admin

Comments

Leave a Reply

Your email address will not be published. Required fields are marked *

Loading…

0

Tinitiis Ng Isang Ama Ang Lamig Na Dulot Ng Ulan Habang Nagbebenta Ng Kamote Upang May Maiuwi Na Kita Para Sa Pamilya

Dalawang Magkapatid Na Naulanan At Nakatulog Sa Kalsada Habang Nagbebenta Ng Sampaguita, Kinaantigan!