in

Hinangaan At Kinaantigan Ang 10 Taong Gulang Na Batang Babae Na Naging Nanay At Tatay Sa Kanyang Dalawang Kapatid

  •  
  •  
  •  
  •  
  •  
  •  
  •  
  •  

Sa panahon ngayon, mahirap ang mawalan ng isang magulang na siyang nagsisilbing gabay sa bawat paglalakbay ng isang anak patungo sa kanyang mga mumunting mga pangarap sa buhay. Ngunit para sa isang anak, may mga pangyayari talaga sa buhay na kailanman ay hindi inaasahan, bagkus sa kabilang banda ito ang kanilang nagiging inspirasyon upang magpatuloy sa buhay. Narito ang isang kwento ng batang nagsumikap na buhayin ang kanyang mga kapatid sa kabila ng pag-iwan sa kanila ng kanilang ina.

Siya ay kinilalang si Xiao Ying, 10 taong gulang na naninirahan sa isang bayan ng Nantang Gaozhou, China kasama ang kanyang dalawang kapatid. Sa napaka-murang edad ni Xiao Ying ay maaga siyang naging ina at ama sa kanyang mga kapatid, dahil maaga silang naulila sa ama at iniwan naman sila ng kanilang ina pagkalipas ng ilang mga buwan. Naging malungkot ang buhay ng magkakapatid sapagkat hindi man lang sila binalikan ng kanilang ina. Kaya napilitan si Xiao na maghanap-buhay sa mura niyang edad upang kumita ng pera para sa kanyang mga kapatid.

Ayon kay Xiao, mayroon naman raw siyang tiyuhin na gusto siyang ampunin kaya lang ay hindi niya ito tinanggap dahil ayaw niyang magkahiwa-hiwalay silang magkakapatid. Kung kaya’t nagsumikap na lamang ito na alagaan ang kanyang dalawang nakakabatang kapatid. Araw-araw gumigising si Xiao, upang asikasuhin ang kanyang mga kapatid kagaya na lamang ng pagluluto ng agahan at inihahanda na rin niya ang pampaligo ng mga ito. Natuto daw siya sa kanyang ina kung paano magluto dahil bata pa lamang ito ay pinapanood na niya ang kanyang ina magluto ng pagkain para sa kanila. Pagkatapos asikasuhin ni Xiao ang kanyang mga kapatid ay sabay-sabay silang pumapasok sa paaralan.

Ginagawa lahat ng batang si Xiao ang lahat upang masuportahan ang kanilang mga pangangailangan sa bawat araw. Maaga siya natutong maghanap-buhay upang kumita ng pera at may ipambili sila ng pagkain. Samantala, sa kanilang naging kapalaran mayroon lamang munting pangarap si Xiao at ito ay ang makapagtapos siya ng pag-aaral upang magkaroon sila ng magandang kinabukasan.

Nakakalungkot mang isipin na sa kanyang murang kaisipan ay naging bukas na siya sa kahirapan ng buhay at nakakapag-isip na kung paano ang mabuhay. Nawa’y maging inspirasyon si Xiao sa batang maagang nawawalan ng mga magulang na huwag silang mawawalan ng pag-asa.

“Kapit lang sa poong Maykapal at kailanman ay hindi ka niya pababayaan”.

Written by admin

Comments

Leave a Reply

Your email address will not be published. Required fields are marked *

Loading…

0

Pambansang Kamao na si Manny Pacquiao, 3rd-Richest Boxer sa Buong Mundo

Naalala Niyo Pa Ba Ang Teen Actress Na Si Anna Larrucea, Ito Na Pala Ang Buhay Niya Ngayon Matapos Iwan Ang Karera Sa Showbiz