Kilalanin ang pitong nag-gagandahang mga anak na babae ni Nadia Montenegro

Kilalang artista si Nadia Montenegro at marami na ang pelikula at shows nito. Mother ang role nito sa mga recent na pelikula niya. Lingid sa kaalaman ng karamihan ay isang mapagmahal at mabuting ina si Nadia sa mga anak nito.

Biniyayaan ng walong anak si Nadia, at pito rito ay babae. Katulad ni Nadia ay biniyayaan din ng ganda at talino ang mga ito. Iba-iba ang hilig, iba-iba ang talent ngunit lahat ay may mapagmahal na puso katulad ng ina nila. Kaya naman ay kilalanin natin ang pitong nag-gagandahan dalaga ng sikat na aktres na si Nadia.

Alyssa Asistio

Ang pinakamatandang anak na babae ni Nadia ay si Alyssa Asistio. Biniyayaan ng ganda at talino, napabalitang nakagraduate ito ng Dentistry sa Centro Escolar University.

Alynna Asistio

Si Alynna or kilala din bilang ‘Ynna Asistio’ ay ang pangalawang anak na babae ni Nadia. Pinanganak ng 1991 si Ynna at naging Kapuso Actress na nagkaroon ng roles sa palabas na ‘La Vendetta’, ‘Mga mata ni Angelita’, at ‘Who’s Your Daddy Now?’ Ngayon ay isa na siyang Kapamilya Actress na napapanood sa ‘Maalaala Mo Kaya’ at ‘Minute-to-win-it’.

Alyana Asistio

Si Alyana, o kilala naman bilang ‘Yana Asistio’ ay ang pangatlong anak na babae ni Nadia. Aktres sa GMA si Yana ngunit nakakuha din ito ng role sa pelikula na ‘She’s Dating a Gangster’ noong 2014, Everyday I Love You (2015) at Mama’s Girl (2018)

Anykka Asistio

Pang-apat na anak na babae ni Nadia, pinapangarap ni Ykka maging abogado.

Samantha Asistio

Isa namang aspiring singer si Samantha at minsang nang sumali sa blind auditions ng The Voice Philippines sa ABS-CBN.

Ayisha Asistio

Tulad ng karamihan sa kabataan ngayong henerasyon ay isang certified kpop fan si Ayisha. Lalong-lalo na ng boy group na BTS.

Sophia Asistio

Mahilig din sa Kpop ang bunsong babae ni Nadia at madalas pa itong tawagin ng ina na ‘mature at brave’.

Isang tunay na supermom si Nadia, tulad ng mga roles na ginaganapan niya sa pelikula.