in

Dating kasambahay, magna cum laude na ngayon sa edad na 30

  •  
  •  
  •  
  •  
  •  
  •  
  •  
  •  

Tunay na mapupulutan ng aral at inspirasyon ang kwento ng isang kasambahay na nakapagtapos bilang magna cum laude. Kilalanin ang 30-anyos na si Grace Labradoe Bacus, na nagviral sa social media matapos nyang ihayag ang kwento ng kanyang paglalakbay upang makapagtapos ng pag-aaral.

Mula sa mahirap na pamilya si Grace at pangatlo sa siyam na magkakapatid. Dahil rito ay maaga namulat sa responsibildad si Grace sa pagtulong sa pamilya at mga kapatid. Dumating ang panahon na kailangan na niyang isuko ang pangarap na makapagtapos ng pag-aaral dahil hindi na kayang tustusan ito ng kanyang mga magulang. Sapat lamang umano ang perang kinikita ng magulang niya bilang pangkain nilang pamilya.

Source: Grace Bacus FB

Sa awa ng Diyos ay natapos niya ang highschool bago pa man niya kailanganin tumigil sa pagaaral para magbigay daan sa pag-aaral ng mga nakababatang kapatid. Nais niyang tulungan ang kanyang mga magulang kaya naman ay namasukan siya agad bilang katulong. Nagkaroon siya ng sapat na pera upang maipasok sa eskwela ang kanyang mga kapatid at nakakaipon rin siya para sa kanyang pag-aaral sa kolehiyo.

26 anyos na siya nang magkaroon siya ng sapat na pera upang makapasok sa kolehiyo. Kinuha niya ang kursong Bachelor of Science Major in English sa Talisay City College dahil na rin sa pangarap niyang maging isang guro.

Source: Grace Bacus FB

Sa mga panahong iyon ay mayroon pa siyang mga nakababatang kapatid na kailangan niyang alagaan dahil madalas maiwan ang mga ito sa bahay sa pagsusumikap ng kanyang mga magulang na kumita ng pera. Isa ito sa mga dahilan kaya may mga pagkakataon na hindi makapasok sa klase si Grace.

Hindi nagustuhan ng kanyang guro ang pag-aabsent sa klase kaya naman ay napagsabihan siya nito nang, “You’d better quit school because you don’t need a degree in taking care of children.”

Masakit man at nakakapanghina ng loob ang mga sinabi sa kanya ng kanyang guro ngunit ginamit niya ito upang pagbutihin pa ang pagaaral. Aniya, “Yes, word for word, I could still hear you say that. It was engraved in my heart. That the person I expected to understand me was the same person who broke me into pieces for she was supposedly my ADVISER, my second parent.”

Lalo lamang nagtulak ito na paghusayan ang pag-aaral at maging mabuting guro sa mga magiging estudyante nito. Pinalad naman si Grace dahil nakapagtapos siya sa kolehiyo bilang magna cum laude.

Isang kwentong nakakaantig ng puso ang buhay ni Grace ngunit nang dahil sa kanyang pagsisikap ay nakamit din niya ang pangarap na noon pa man ay hinihiling niya.

Written by admin

Comments

Leave a Reply

Your email address will not be published. Required fields are marked *

Loading…

0

Pinoy na Tricycle Driver, nakapangasawa ng isang napakagandang dayuhan

Sila-sila Pala Ang Mga Artistang Nakapangasawa Ng Mga Bilyonaryo